Скопје, 29 февруари 2024 (МИА) - Одделот за внатрешна контрола, криминалистички истраги и професионални стандарди при МВР поднесе кривична пријава против И.И. од Македонска Каменица, полициски службеник во Полициското одделение Македонска Каменица, поради постоење основи на сомнение за сторено кривично дело „загрозување на сигурноста“, односно дека упатил закани кон лице од Македонска Каменица.

МВР денеска соопшти дека Одделот за внатрешна контрола, криминалистички истраги и професионални стандарди против полицискиот службеници поднел предлог за поведување на постапка за потешко кршење на работниот ред и дисциплина по член 210 од Колективниот договор на МВР, а изречена е и мерка за отстранување од работното место до донесување на решение во дисциплинската постапка. дма/са/

Фото: МИА архива