Концерт на „Pocket Palma“, „Blackstate“ и TAM вечер во МКЦ
- Во Младинскиот културен центар (МКЦ) вечер концерт ќе одржат „Pocket Palma“ од Загреб, „Там“ од Белград и „Blackstate“.
![Концерт на „Pocket Palma“, „Blackstate“ и TAM вечер во МКЦ](https://new.mia.mk/index.php/images/20221112155415_big_730x400_21.webp )
Скопје, 26 март 2022 (МИА) - Во Младинскиот културен центар (МКЦ) вечер концерт ќе одржат „Pocket Palma“ од Загреб, Там од Белград и „Blackstate“.
Како што соопшти МКЦ, „Pocket Palma“ e синт-поп трио од Загреб, кое го сочинуваат Лука Видовиќ, Ања Папа и Бруно Жабек. Триото работи неуморно и за краток период издадоа два албума, кои, како што се наведува, одлично се прифатени од публиката, но и од критиката.
Тамара Поповиќ или ТАМ е кантавторка која работи во Белград. Нејзината музика може да се опише како андерграунд дрим-поп.
„Blackstate“ е псевдонимот зад кој стои Филип Тасевски – Фиц, долгогодишен дел од музичката сцена кај нас. Најпознат како фронтмен на панк-рок бендот „Новиот почеток“, но и дел од проектите „Astrolungs“ и „Retro Cabaret“.
-„Blackstate“ е сосема друга приказна, современа експериментална електроника во која Тасевски со своето самоистражување ја бара својата малку „потемна“ музичка страна. Промените се дел од растењето и созревањето, а ова што Фиц го потпишува како Blackstate е потврда за здрав развој на еден креативец/музичар/индивидуа, соопшти МКЦ. мд/мч/