Концерт на македонската џез-група „Сетстат“ во Софија
- Во Националната палата на култура во клубот „Софија лајв клуб“ во Софија синоќа концерт одржа македонска џез-група „Сетстат“, на кој беа промовирани песните што ќе бидат дел од нивниот нов 11
![Концерт на македонската џез-група „Сетстат“ во Софија](https://new.mia.mk/index.php/images/20221113114035_big_730x400_93.webp )
Софија, 21 април 2022 (МИА) - Во Националната палата на култура во клубот „Софија лајв клуб“ во Софија синоќа концерт одржа македонска џез-група „Сетстат“, на кој беа промовирани песните што ќе бидат дел од нивниот нов 11-ти албум.
Концертот се одржа во рамките на фестивалот „Аларм панк џез“ на Бугарското национално радио, кој е посветен на размената и зближувањето меѓу џез-групите од Бугарија и Северна Македонија.
Културно-информативниот центар на Северна Македонија во Бугарија е традиционален партнер, јави дописникот на МИА.
Џез-групата е составена од музичарите Владан Дробицки - тромбон, Васко Бојаџиски - тенор и алт саксофон, Панче Бујуклиев - клавијатури, Павел Дробицки - бас и Гоце Наумов - тапани.
Владан Дробицки за МИА во Софија изјави дека песните од нивниот нов албум сè уште не се насловени, но тој и неговите колеги од бендот се среќни што оставиле толку добар впечаток во Бугарија. Публиката во Софија беше импресионирана од песните „Пента“, „Африка“ и „Браун шеќер“. По концертот, џез-групата изведе уште четири песни. нк/бт/
![сетстат](/articles/images/%d0%ba%d0%be%d0%bd%d1%86%d0%b5%d1%80%d1%82-%d0%bd%d0%b0-%d0%bc%d0%b0%d/JS0dwOO8K/placeholder.webp?use_watermark=0)