Конференција „Како да комуницираме за животната средина во растечката еколошка криза: практични искуства и нови перспективи“
- Конференција „Како да комуницираме за животната средина во растечката еколошка криза: практични искуства и нови перспективи“, ќе се одржи денеска во Скопје во организација на Институот за комуникациски студии (ИКС).
![Конференција „Како да комуницираме за животната средина во растечката еколошка криза: практични искуства и нови перспективи“](https://new.mia.mk/index.php/images/20240326173000_big_730x400_79.webp )
Скопје, 27 март 2024 (МИА) - Конференција „Како да комуницираме за животната средина во растечката еколошка криза: практични искуства и нови перспективи“, ќе се одржи денеска во Скопје во организација на Институот за комуникациски студии (ИКС).
Како што најави ИКС, на конференцијата, домашни и странски говорници ќе зборуваат за нивните специфични аспекти и искуства и ќе понудат нови перспективи и приоди за комуникацијата за животната средина.
- Во време на растечка еколошка криза, граѓанските организации и инцијативи, академскиот сектор, бизнисите и јавните институции треба сè повеќе да преземаат одговорност за своите постапки и да комуницираат за животната средина. Комуникацијата за животната средина помага да се влијае врз јавното мислење, промена на однесувањето, застапување за политики и донесување закони. Таа овозможува граѓаните да ги разберат еколошките проблеми и загриженоста за животната средина и климатските промени, како и да се вклучат во зачувувањето на природните ресурси, информира ИКС.
Конференцијата е во рамки на проектот „Популаризирање на комуникацијата за животната средина преку онлајн учење и виртуелна мобилност“, што ИКС го спроведува во партнерство со универзитетите во Загреб, Нови Сад, Сараево и Тирана, а е финансиран од програмата ЕРАЗМУС+. ар/лв/
Фото: МИА архива