Комплетниот тим на Специја во изолација
- Целата екипа на Специја е во самоизолација, откако се регистрирани уште седум случаи на коронавирус во редовите на италијанскиот фудбалски прволигаш
![Комплетниот тим на Специја во изолација](https://new.mia.mk/index.php/images/20221107232957_big_730x400_73.webp )
Рим, 18 јули 2021 (МИА) - Целата екипа на Специја е во самоизолација, откако се регистрирани уште седум случаи на коронавирус во редовите на италијанскиот фудбалски прволигаш.
Специја во петокот соопшти дека еден фудбалер е позитивен на коронавирус, а по најновите тестирања се регистрирани уште шест новозаразени фудбалери и еден член на стручниот штаб.
Клубот поради тоа ги прекина сите активности околу подготовките за новата сезона, а комплетната екипа е во карантин.
Веста за новите случаи на заразени со Ковид-19 во Специја доаѓа ден откако ФИФА го казни италијанскиот клуб со двегодишна забрана за трансфери, поради кршење на правилата за носење млади играчи од Африка. ег/ми/