Ковачевски - Пич: Северна Македонија ќе продолжи да биде фактор на стабилност во регионот
- Премиерот Димитар Ковачевски, денеска се сретна со Сер Стјуарт Пич, специјален претставник на Обединетото Кралство за Западен Балкан, придружуван од амбасадорот на Обединетото Кралство во земјава, Метју Лосон.
![Ковачевски - Пич: Северна Македонија ќе продолжи да биде фактор на стабилност во регионот](https://new.mia.mk/index.php/images/20230306173518_big_730x400_1.webp )
Скопје, 6 март 2023 (МИА) - Премиерот Димитар Ковачевски, денеска се сретна со Сер Стјуарт Пич, специјален претставник на Обединетото Кралство за Западен Балкан, придружуван од амбасадорот на Обединетото Кралство во земјава, Метју Лосон.
На средбата премиерот Ковачевски истакнал дека ангажманот на Обединетото Кралство на Западниот Балкан и промовирањето на прашањата за регионалната безбедност се резултат на блиските пријателски односи на двете земји, сојузнички членки на НАТО. Тој се заблагодарил за поддршката која Северна Македонија ја добива од Обединетото Кралство во интеграциските и реформските процеси.
На средбата премиерот Ковачевски истакнал дека ангажманот на Обединетото Кралство на Западниот Балкан и промовирањето на прашањата за регионалната безбедност се резултат на блиските пријателски односи на двете земји, сојузнички членки на НАТО. Тој се заблагодарил за поддршката која Северна Македонија ја добива од Обединетото Кралство во интеграциските и реформските процеси.
![Ковачевски - Пич 2](/articles/images/ковачевски-пич-северна-македонија-ќе-продолжи-да-биде-фактор-на-стабил_hwXzt/K8Cbhny24/placeholder.webp?use_watermark=0)
На состанокот била истакната и поддршката за процесите кои се дел од евроинтеграцискиот пат на земјата. Прогресот во евроинтеграциите бил посочен како клучен за поттикнување позитивен напредок и за останатите отворени прашања во регионот. Во тој контекст, се наведува во соопштението од владината прес-служба, нагласена е и потребата од конструктивност на сите политички субјекти во земјата на сметка на блокадите и деструктивноста.
![Ковачевски - Пич 1](/articles/images/ковачевски-пич-северна-македонија-ќе-продолжи-да-биде-фактор-на-стабил_NgEnN/5oYMJ1a3Y/placeholder.webp?use_watermark=0)
- Поддршката беше насочена и за Северна Македонија како земја претседавач со ОБСЕ во време на тешка безбедносна ера за Европа. Во таа насока, поздравени се политиките на Владата како фактор за безбедноста и на регионот но и за Европа. Нагласено е значењето за поставеноста на надворешната политика на Северна Македонија, на линија на политиките на државите од Европа, во однос на ситуацијата во Украина и придонесот на нашата држава во регионалната стабилност, стои во соопштението од Секторот за односи со јавноста на Владата. цр/лв/
Фото и видео/ Влада на Република Северна Македонија