Ковачевски - Пич: Интеграцијата на Северна Македонија во ЕУ ќе влијае и на стабилноста и отворените прашања во регионот
- Претседателот на Владата Димитар Ковачевски денеска имаше средба со специјалниот пратеник за Западен Балкан на Обединетото Кралство Стјуарт Пич на која било потенцирано дека целосно интегрира
![Ковачевски - Пич: Интеграцијата на Северна Македонија во ЕУ ќе влијае и на стабилноста и отворените прашања во регионот](https://new.mia.mk/index.php/images/20221113150940_big_730x400_58.webp )
Скопје, 3 јуни 2022 (МИА) - Претседателот на Владата Димитар Ковачевски денеска имаше средба со специјалниот пратеник за Западен Балкан на Обединетото Кралство Стјуарт Пич на која било потенцирано дека целосно интегриран Западен Балкан не е само политички, безбедносен и економски интерес на ЕУ, туку и геостратешка инвестиција во стабилен и просперитетен регион и дека во таа насока отворањето на пристапните преговори на ЕУ со Северна Македонија е клучно за поттикнување позитивен напредок и за останатите отворени прашања како што се дијалогот Белград - Приштина и ситуацијата во Босна и Херцеговина.
На средбата, која се одржа за време на конференцијата за безбедност ГлобСек 2022 во Братислава, како што соопшти прес - службата на Владата, Ковачевски истакна дека честите контакти со специјалниот пратеник Пич се резултат на засилениот ангажман на Обединетото Кралство на Западен Балкан и за промовирање на прашањата за регионалната безбедност и поддршка на демократските општества за стабилен и просперитетен регион. Истовремено, како што посочил, средбите со специјалниот пратеник за Западен Балкан на Обединетото Кралство Стјуарт Пич се поттик и за унапредување на билатералните односи меѓу Северна Македонија и Обединетото Кралство.
Ковачевски, во негово име и во име на Владата и народот, изрази задоволство што Северна Македонија беше првата земја од Европа што го одржа првиот состанок на Советот за партнерство, трговија и соработка со Обединетото Кралство, со цел да се обезбеди непречен и континуиран развој на блиската соработка меѓу двете земји, особено во деловната соработка, се наведува во соопштението. ев/дма/
![Ковачевски Пич1](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d0%bf%d0/O1A8vBg32/placeholder.webp?use_watermark=0)