Ковачевски - Пич: Интеграцијата во ЕУ е клучен процес за позитивниот напредок на државите од Западен Балкан
- На средбата, соговорниците го потврдија долгогодишното партнерство и пријателство меѓу двете држави, како и поддршката што земјава ја добива за клучните прашања за напредок и остварување на стратешките цели, како членството во НАТО и интеграцијата во Европската Унија.
![Ковачевски - Пич: Интеграцијата во ЕУ е клучен процес за позитивниот напредок на државите од Западен Балкан](https://new.mia.mk/index.php/images/20230828191940_big_730x400_78.webp )
Скопје, 28 август 2023 (МИА) - Премиерот Димитар Ковачевски денеска во рамки на Бледскиот стратешки форум, оствари средба и со Стјуарт Пич, специјален претставник на британскиот премиер за Западен Балкан.
На средбата, соговорниците го потврдија долгогодишното партнерство и пријателство меѓу двете држави, како и поддршката што земјава ја добива за клучните прашања за напредок и остварување на стратешките цели, како членството во НАТО и интеграцијата во Европската Унија.
Соговорниците разменија мислења и информации за актуелните прашања поврзани со интеграцијата на Западен Балкан и оценија дека тој процес е клучен за поттикнување позитивен напредок и за останатите отворени прашања во регионот.
На средбата е потврдено дека Северна Македонија продолжува со поставеноста на надворешната политика која е на линија на политиките на државите од Европа. ев/бак/
Фото: МИА архива