Ковачевски-Шоле: Фокусирани сме на продлабочување на билатералното партнерство
- Премиерот Димитар Ковачевски во рамки на 77. Генерално Собрание на Обединетите Нации во Њујорк, денеска се сретна со Дерек Шоле, американски советник за надворешна политика и автор, кој момен
![Ковачевски-Шоле: Фокусирани сме на продлабочување на билатералното партнерство](https://new.mia.mk/index.php/images/20221113225641_big_730x400_97.webp )
Скопје, 23 септември 2022 (МИА) - Премиерот Димитар Ковачевски во рамки на 77. Генерално Собрание на Обединетите Нации во Њујорк, денеска се сретна со Дерек Шоле, американски советник за надворешна политика и автор, кој моментално работи како советник на Стејт департментот на САД.
На средбата, на која присуствуваше и министерот за надворешни работи Бујар Османи, е потврдено стратешкото партнерство меѓу САД и Северна Македонија. Потенцирано е дека Северна Македонија напредувала од земја која тежнеела да стане членка на НАТО, до сигурен, еднаков и способен сојузник.
На состанокот, како што соопшти владината прес-служба, Ковачевски и Шоле дискутирале за актуелните проекти за енергетска транзиција и животната средина. Двете земји ја повториле посветеноста во услови на светска енергетска криза за зголемување на енергетската диверзификација.
Дискутирале и за важноста САД и Северна Македонија да ја прошират соработката и во доменот на образовните, културните и професионалните размени.
Премиерот Ковачевски се заблагодарил за континуираната поддршка на САД, кој од 2019 година има инвестирано речиси 60 милиони долари во индустријата, инфраструктурата и иновациите. рп/бак/
![Koвачевски, Османи, Шоле](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d1%88%d0/BbW54lutL/placeholder.webp?use_watermark=0)