Клуге: Да се има уште малку трпение за вакцините, со министерот Филипче сме во постојан контакт
- Регионалниот директор на СЗО за Европа, Ханс Клуге рече дека државава освен што ги нарачала вакцините преку КОВАКС механизмот, исто така ги завршила и сите финансиски и административни проце
![Клуге: Да се има уште малку трпение за вакцините, со министерот Филипче сме во постојан контакт](https://new.mia.mk/index.php/images/20221106140226_big_730x400_90.webp )
Скопје, 17 март 2021 (МИА) - Регионалниот директор на СЗО за Европа, Ханс Клуге рече дека државава освен што ги нарачала вакцините преку КОВАКС механизмот, исто така ги завршила и сите финансиски и административни процедури.
- Нарачката е направена, комплетирани се финансиски и административни процедури. Во постојан контакт сум со министерот за здравство Венко Филипче. Пред точно една година бев во Скопје и оттогаш работиме заеднички. Системот е подготвен, од страна на државата е направено се што треба, но она што треба да го знаеме е да се има уште малку трпение, да се почитуваат мерките за јавното здравје, истакна Клуге во интервју за Телма телевизија.
Тој потенцира дека целиот свет се соочува со недостиг од вакцини и дека производителите мора да го зголемат производството, а дека солидароста на земјите е единственото оружје против вирусот.
- Солидарноста засега е единственото оружје против вирусот. Непријателот е вирусот. Посветени сме на солидарноста. Секоја држава се бори, тоа е точно дека имаме проблем и затоа е многу важно да се зголеми капацитетот на производство, бидејќи цел свет се соочува со овој недостиг, додаде Клуге. рп/дма/