Клубовите во Серија А платија 187 милиони евра за агентите во 2019 година
- Италијанската фудбалска федерација објави извештај за трошењето на италијанските клубови за агентни услуги во 2019 година.
![Клубовите во Серија А платија 187 милиони евра за агентите во 2019 година](https://new.mia.mk/index.php/images/20221103010408_big_730x400_49.webp )
Рим, 2 април 2020 (МИА) - Италијанската фудбалска федерација објави извештај за трошењето на италијанските клубови за агентни услуги во 2019 година.
Вкупно, клубовите во Серија А платија 187,8 милиони евра за посредници, што е за 16,3 милиони повеќе отколку во 2018 година. Оваа сума не вклучува исплати на самите играчи на нивните агенти, кои за наведениот период изнесувале 13,6 милиони.
Јувентус плати најмногу меѓу италијанските шампионски клубови за агенти - 44,3 милиони евра. Уште три клуба потрошија повеќе од 10 милиони евра за посреднички услуги - Интер (31,8 милиони евра), Рома (23,2 милиони евра) и Милан (19,6 милиони евра).
Клубовите во Серија Б за 2019 година платиле на агентите 19,4 милиони евра, од кои речиси една третина се од Емполи, кој искеширал шест милиони. зс/