Клименко: Во рускиот напад во Константиновка загинаа 17 лица и 32 се повредени
- Во рускиот ракетен напад во Константиновка во Украина загинаа вкупно 17 лица, а ранети се 32, напиша украинскиот министер за внатрешни работи Игор Клименко на Телеграм.
![Клименко: Во рускиот напад во Константиновка загинаа 17 лица и 32 се повредени](https://new.mia.mk/index.php/images/20230906191144_big_730x400_90.webp )
Киев, 6 септември 2023 (МИА) - Во рускиот ракетен напад во Константиновка во Украина загинаа вкупно 17 лица, а ранети се 32, напиша украинскиот министер за внатрешни работи Игор Клименко на Телеграм.
„До 18 часот, од руското гранатирање загинаа 17 лица, а 32 се повредени“, се вели во соопштението на министерот.
Акцијата за пребарување и спасување е завршена.
Како што беше објавено претходно денеска, руските сили го нападнале централниот пазар во Костантиновка, регионот Доњецк.
Во врска со нападот, украинскиот претседател Володимир Зеленски истакна дека „руската армија секогаш удира врз цивилни граѓани кога украинските одбранбени сили постигнуваат успеси на фронтот“. паг/
Фото: МИА архива