Кирјос се повлече од Австралија опен
- Австралиецот Ник Кирјос се повлече од Австралија опен поради повреда на левото колено.
![Кирјос се повлече од Австралија опен](https://new.mia.mk/index.php/images/20230116090512_big_730x400_89.webp )
Мелбурн, 16 јануари 2023 (МИА) - Австралиецот Ник Кирјос се повлече од Австралија опен поради повреда на левото колено.
Во првото коло на Грен слемот во Мелбурн, Кирјос требаше да се сретне со Русинот Роман Сафиулин. Веројатно, сега ќе биде заменет со среќен губитник.
Дваесет и седумгодишниот тенисер е актуелен победник на турнирот во двојки. Во сингл најдобар резултат му е пласманот во четвртфиналето во 2015 година.
Австралија опен 2023 се одржува на терените на Мелбурн Парк. Турнирот ќе заврши на 29 јануари. зс/