Кирјос: Да бидам искрен, не сакам повеќе да играм тенис
- Австралиецот Ник Киргиос призна дека повеќе не сака да игра тенис.
![Кирјос: Да бидам искрен, не сакам повеќе да играм тенис](https://new.mia.mk/index.php/images/20231213100028_big_730x400_52.webp )
Лондон, 13 декември 2023 (МИА) - Австралиецот Ник Киргиос призна дека повеќе не сака да игра тенис.
- Да беше сè до мене... Да бидам искрен, не сакам повеќе да играм тенис. Но морам. Имам уште толку многу да дадам. Но, јас сум исцрпен, уморен сум, веќе имав три операции. А јас имам само 28 години. Дури и да го освојам Вимблдон, луѓето би рекле: Сега направете го тоа пак. Тоа е трка со стаорци. Кога е веќе доволно? Јас сум многу среќен со мојот живот, има повеќе од доволно причини за радост во него, го цитира „TennisUpToDate“ Кирјос.
Минатата сезона Австралиецот учествуваше на само еден турнир - Штутгарт (Германија). Контроверзниот тенисер ги пропушти преостанатите натпревари поради повреди на коленото и зглобот. Во декември, Кирјос објави дека нема да игра на Австралија опен во 2024 година.
Кирјос е победник на еден Грен слем турнир во двојки (Австралија Опен 2022), како и победник на 11 АТП турнири. зс/
Фото: ЕПА