Пекинг, 15 април 2022 (МИА) - Кина ќе ги заостри регулативите за нови области, вклучително и виртуелната валута, како последен потег за одбрана од ризиците во финансискиот сектор. Вен Синџијанг, функционер на Националната банка на Кина, на прес-конференција рече дека регулирањето на финансискиот сектор станува сложено и тешко, бидејќи методите и алатките на измамниците за трансфер на средства постојано се иновираат. Вен предупреди дека измамниците може да користат виртуелна валута, подземни банки и други канали за да избегнат следење и пресретнување. Тој ги повика комерцијалните банки и платежните институции да го прекинат лажниот капитален синџир со балансирање на услугите за спречување ризик и плаќање, објавија кинеските медиуми. - Комерцијалните банки и платежните агенции треба да ја доделат целата улога на технички средства, вклучувајќи големи податоци и вештачка интелигенција, за попрецизно да ги идентификуваат и пресретнат ризиците, рече Вен. ссм/