Кина испрати дипломатски протест до Претставничкиот дом на Конгресот на САД
Пекинг, 23 септември 2020 (МИА) - Министерството за надворешни работи на Кина денеска соопшти дека земјата испрати сериозни дипломатски протести до Претставничкиот дом на Конгресот на САД поради усвојувањето на законот за забрана за увоз на стоки произведени во кинеската провинција Синџијанг со наводна употреба на присилна работа.
Портпаролот на кинеското Министерство Ванг Венбин на прес-конференција рече дека наводите за присилна работа во Синџијанг се лажни гласини кои доаѓаат од некои кругови во САД и други западни земји.
- Кина ќе ги преземе сите потребни мерки за поддршка на правата на кинеските компании и за заштита на нејзиниот суверенитет и развојни интереси, додаде Ванг.
Провинцијата Синџијанг е претежно населена со Ујгури, кои се со исламска вероисповед, а една фондација со седиште во Вашингтон неодамна изнесе тврдење, слично како и во Синџијанг, дека стотици илјади Тибетанци, наводно, се присилно притворени во работни логори, наведува Би-Би-Си. паг/
