Ким Кардашијан во 12. сезона од „Американска хорор-приказна“
- Обожавателите коментираат дека се изненадени што таа ќе глуми во серијата, но и оти едвај чекаат да видат како тоа ќе изгледа.
![Ким Кардашијан во 12. сезона од „Американска хорор-приказна“](https://new.mia.mk/index.php/images/20230411085123_big_730x400_27.webp )
Лос Анџелес, 11 април 2023 (МИА) - Ким Кардашијан ќе глуми во 12-та сезона на ТВ-серијата „Американска хорор-приказна“ (American Horror Story, AHS). Ова за „Холивуд репортер“ го потврди режисерот Рајан Марфи.
- Ким е една од најголемите ѕвезди на телевизијата. Возбудени сме што можеме да ѝ посакаме добредојде. Возбудени сме што работиме заедно, а Ким има посебна улога на ум... Оваа сезона е сосема поинаква од сѐ што сме правеле досега, изјави Марфи.
Ким на Инстаграм објави трејлер за серијата со морничава музика и натпис: „AHS12. Ема Робертс и Ким Кардашијан се нежни. Ова лето“.
Обожавателите коментираат дека се изненадени што таа ќе глуми во серијата, но и оти едвај чекаат да видат како тоа ќе изгледа. Ѕвездата од реалните шоуа и Марфи, според наводите, разговарале за соработка уште минатото лето, но сите подробности засега се чуваат во тајност. си/сд/
Фото: ИМДБ.