Килијан Марфи позираше за „Џи-кју“
- Ирскиот глумец ја краси насловната страница на мартовскиот број, а уредништвото објави фотографии со него и на социјалните мрежи, што повлече многубројни коментари од обожавателките кои го сметаат за секс-симбол на денешнината.
![Килијан Марфи позираше за „Џи-кју“](https://new.mia.mk/index.php/images/20240215121520_big_730x400_74.webp )
Даблин, 15 февруари 2024 (МИА) - Ирскиот глумец Килијан Марфи позираше за списанието „Џи-кју“ (GQ). Холивудската ѕвезда ја краси насловната страница на мартовскиот број, а уредништвото објави фотографии, но и видео со него на својот интернет-простор, што повлече многубројни коментари од обожавателките кои го сметаат за секс-симбол на денешнината.
„Го гледав ова видео одново и одново. Тој е толку убав“, „Колку сексапил во една снимка“, „Ова е премногу за мене“ - гласат дел од коментарите.
Марфи лани ја глумеше главната улога во филмот „Опенхајмер“, за што доби и номинација за Оскар“. И покрај тоа што е светска ѕвезда, неговиот приватен живот е тивок, а тој живее во Даблин со сопругата Ајвон Мекгинис, со која е 20 години во брак, и со нивните деца. си/
Фото: Фејсбук-објава на „Џи-кју“, фотоисечок