Кикиљас: Мобилни единици за вакцинација пред црквите во Грција
- Пилотска програма за вакцинација на плоштадите пред црквите во Грција, најави министерот за здравство Василис Кикиљас, говорејќи за грчката телевизија „Скај“, јави дописничката на МИА од Ати
![Кикиљас: Мобилни единици за вакцинација пред црквите во Грција](https://new.mia.mk/index.php/images/20221108150708_big_730x400_56.webp )
Атина, 26 август 2021 (МИА) – Пилотска програма за вакцинација на плоштадите пред црквите во Грција, најави министерот за здравство Василис Кикиљас, говорејќи за грчката телевизија „Скај“, јави дописничката на МИА од Атина.
Кикиљас објасни дека програмата ќе започне во недела, во големите градови, како и во Атина и Солун, а вакцинацијата ќе ја вршат мобилни единици од Министерството за здравство.
-Оваа пилотска програма ќе се прошири и пред црквите и соборните храмови и во соработка со свештените лица и со Светиот Синод, рече министерот за здравство на Грција.
Црква од општина на грчкиот остров Крит веќе покрена иницијатива за вакцинација во рамките на соборниот храм и во соработка со локалните власти и болницата закажа имунизација на 6 септември со вакцината на Џонсон и Џонсон, а граѓаните, имаат рок до вторник да се пријават. ср/јт/