Сеул, 10 март 2021 (МИА) - Јужнокорејскиот производител на возила, „Киа моторс корпорејшн“ им препорача на сопствениците на околу 380.000 нејзини спортски „Спортејџ“ теренци и модели на „Каденза“ во САД да ги паркираат своите возила на отворено, поради опасност од пожар во делот од автомобилот каде што се наоѓа моторот. Компанијата соопшти дека отповикувањето се однесува на споменатите модели на автомобили кои биле произведени меѓу 2017 и 2021 година, поради можен краток спој во разводната кутија што може да предизвика пожар. Оттаму, се налага сопствениците да ги паркираат возилата надвор од своите објекти, поради превентивни причини сѐ додека овластените продавачи не ги извршат поправките. Компанијата издаде слично предупредување и за корејскиот пазар. Засега нема пријавено пожар во некое од возилата, ниту несреќа или повреда предизвикана од таков проблем, се вели во соопштението на „Киа“. си/сд/