КЕМЕТ Eлектроникс Македонија воведе автоматизирана машина со робот креирана од тим од македонски инженери
- СООПШТЕНИЕ - Напредна иновација со домашен потпис, воведена во КЕМЕТ Eлектроникс Македонија. Во производните процеси на компанијата воведена е новата автоматизирана машина со робот базирана на најновите иновативни технолошки решенија. Ова напредно технолошко решение е дело на тимот составен од македонски инженери кои се дел од КЕМЕТ Eлектроникс Македонија.
![КЕМЕТ Eлектроникс Македонија воведе автоматизирана машина со робот креирана од тим од македонски инженери](https://new.mia.mk/index.php/images/20240226113133_big_730x400_2.webp )
Скопје, 26 феруари 2024
Напредна иновација со домашен потпис, воведена во КЕМЕТ Eлектроникс Македонија. Во производните процеси на компанијата воведена е новата автоматизирана машина со робот базирана на најновите иновативни технолошки решенија. Ова напредно технолошко решение е дело на тимот составен од македонски инженери кои се дел од КЕМЕТ Eлектроникс Македонија.
Македонските инженери на развој на новата автоматизирана машина со робот работеа неколку месеци, а вкупната инвестиција во овој проект изнесува 120.000 евра. Имплементирањето на новото решение, базирано на робот, во голем мерка ќе ја подобри ефикасноста на процесот на електрично тестирање на кондензатори и истовремено ќе го подигне квалитетот во производството.
„Пред 10 години не можевме да замислиме дека е можно да развиеме и да создадеме наша сопствена опрема, која ќе биде по „мерка“ на нашите потреби и специфики. Но, денес ние, нѐ само што докажавме дека вреди да се сонува за високи професионални дострели, туку и дека вреди за тоа да се работи со страст, посветеност и континуирана едукација. Создадовме автоматска машина со робот согласно последните светски трендови во индустријата. Тоа го создадоа нашите инженери, што нѐ прави дополнително горди, бидејќи докажавме дека сме конкуренти во светски рамки. Добрите услови за работа, континуираната едукација, високата посветеност и мотивација на нашите луѓе даваат големи резултати. Ние продолжуваме во таа насока и веруваме дека нашите тимови ќе создадат уште многу напредни иновативни решенија кои дополнително ќе го унапредат процесот“, вели Франческо Татоли, заменик директор на КЕМЕТ Електроникс Македонија, ЈАГЕО компанија.
Во 2018 година во КЕМЕТ Eлектроникс Македонија основан е Центар за истражувања и развој, во чии рамки работат 30 стручњаци од областа на машинството, електротехниката, хемијата, физиката, како и од областа на технолошките науки. Овој тим работи на унапредување и развој на нови технолошки решенија, адаптирани за производните процеси на Групацијата на повеќе пазари.
КЕМЕТ Електроникс Македонија е присутен во земјава 12 години, а главната дејност е производство на електрични кондензатори и други делови кои се применуваат во повеќе индустрии. Производството на КЕМЕТ Електроникс Македонија се пласира на странските пазари, а минатата година компанијата ја заврши со приходи од 34 милиони евра. Досега компанијата инвестираше 40 милиони евра во своето производство. Во моментов вработува над 500 лица, а според планот бројот на вработени ќе расте во следниот период, соодветно на новите инвестиции кои ќе бидат реализирани согласно инвестицискиот план на компанијата.
Од 2020 година компанијата е дел од ЈАГЕО, водечка глобална корпорација за електронски компоненти, со производни капацитети во Азија, Европа и Америка. Корпорацијата во своето портфолио има кондензатори, индуктори, трансформатори, релеи, антени, безжични и други компоненти, а моментално е рангирана како број 1 производител на чип-отпорници и танталови кондензатори. Во рамките на Групацијата која има 40.000 вработени, делуваат 20 центри за истражување и развој кои во континуитет работат на унапредување и иновации.
КЕМЕТ Електроникс Македонија
_____________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
фото КЕМЕТ Електроникс Македонија