Католичките бискупи во Франција одлучија да ги обештетат жртвите на сексуално злоставување
- Бискупите на Римокатоличката црква во Франција денеска се договорија да им исплатат паричен надомест на жртвите на сексуално злоставување во рамките на верската заедница
![Католичките бискупи во Франција одлучија да ги обештетат жртвите на сексуално злоставување](https://new.mia.mk/index.php/images/20221108220451_big_730x400_49.webp )
Париз, 8 ноември 2021 (МИА) - Бискупите на Римокатоличката црква во Франција денеска се договорија да им исплатат паричен надомест на жртвите на сексуално злоставување во рамките на верската заедница.
Претседателот на Француската бискупска конференција Ерик де Мулен-Бофор ја поздрави одлуката како „одличен чекор“. Тој додаде дека Црквата ја препознала својата „институционална одговорност“ и „го отвори патот жртвите да добијат обештетување“.
Тој не наведе детали за износот на обештетувањето и за начинот за исплата.
Претходно, независна комесија процени дека свештеници и други лица поврзани со католичката црква во изминатите 70 години сексуално злоставувале околу 330.000 деца. ми/