Штип, 19 јануари 2021 (МИА) - Општина Карбинци продаде четири градежни парцели со површина од 54.000 метри квадратни. Градоначалникот на Општина Карбинци, Јордан Насев вели дека за овие четири парцели постигната е цена од 17.500.000 денари. Новите сопственици парцелите ќе ги наменат за изградба на фотоволтаични централи и за индустрсики капацитети.

-Ова е веќе трети повик, а досега отуѓивме некаде околу осум градежни парцели, вели Насев.

Тој истакна дека Општина Карбинци е атрактивна општина за инвеститорите, бидејќи им се нудат поволни услови.

-Со една позитивна клима допринесовме да привлечеме се повеќе инвеститори на Општина Карбинци. Мерките коишто ги презимаме е да Советот ги ослободува од комуналии, односно во еден дел да бидат ослободени. Дополнително е што на териорија на Општина Карбинци имаме квалификувана работна сила, која што се наоѓа да работи во овие погони. Дополнително ние инвестираме во инфраструктура, водовод, канализација, пристапни улици, вели Насев.