Капело: Милан може до шампионска титула
- Италијанскиот стратег Фабио Капело оцени во разговор за „Газета дело Спорт“ дека неговиот поранешен клуб Милан има реални шанси сезонава да ја освои титулата во Серија А.
![Капело: Милан може до шампионска титула](https://new.mia.mk/index.php/images/20221105121444_big_730x400_55.webp )
Рим, 2 декември 2020 (МИА) – Италијанскиот стратег Фабио Капело оцени во разговор за „Газета дело Спорт“ дека неговиот поранешен клуб Милан има реални шанси сезонава да ја освои титулата во Серија А.
- Во вакви чудни околности во кои се игра фудбалот, Милан има добра шанса. Пиоли има многу опции, екипата е одлична, но најважно е дека сите веруваат во тоа. Погледнете го Ибрахимовиќ. Не само што ги тресе противничките мрежи, туку со својот стас и гард ја влече екипата напред. Ако биде пример за соиграчите, тогаш имаат шанса, оцени Капело.
Тој, сепак, додаде дека Интер, за него, останува главен претендент за титулата во Италија.
- Останувам на својата прогноза. Интер е најопасната екипа во Серија А, но Конте мора да го размрда тимот и да го врати на вистинскиот пат, додаде Капело. ег/зс/