Мајами, 3 февруари 2020 (МИА) – Екипата на Канзас сити е нов НФЛ шампион, откако ноќеска во борбата за титулата го победи Сан Франциско со 31:20. За Канзас сити ова е втор шампионски трофеј од Супер боул и прв по пауза од 50 години. До триумфот „Чифс“ дојдоа со голем пресврт и серија од 21:0 по што негативата од 10:20 ја претворија во позитива. Со по шест шампионски трофеи најуспешни клубови во историјата на НФЛ лигата се Питсбург и Њу-Ингланд. зс/