Канатларовски повика 25 фудбалери за контролните натпревари со Ерменија и Малта
- Македонската фудбалска репрезентација до 21 година кон средина на јуни во Скопје ќе одигра два контролни натпревари против селекциите на Ерменија и Малта.
![Канатларовски повика 25 фудбалери за контролните натпревари со Ерменија и Малта](https://new.mia.mk/index.php/images/20230531151122_big_730x400_83.webp )
Скопје, 31 мај 2023 (МИА) – Македонската фудбалска репрезентација до 21 година кон средина на јуни во Скопје ќе одигра два контролни натпревари против селекциите на Ерменија и Малта.
Селекторот Драги Канатларовски за овие натпревари повика вкупно 25 фудбалери:
Голмани: Марко Алчевски (Академија Пандев), Иван Николоски (Беласица), Васко Василев (Рио Аве, Португалија), Стефан Тасев (Македонија Ѓ.П.);
Одбрана: Марио Ричков (Шкупи), Стефан Деспотовски (Работнички), Андреј Стојчевски (Жилина, Словачка), Имран Фетаи (Гостивар), Решат Рамадани (Динамо Киев, Украина), Виктор Крстевски (Гостивар), Методи Максимов (Шкендија), Михаил Димитриевски (Брегалница);
Среден ред: Мартин Талаков (Подбрезова, Словачка), Иван Николов (Брегалница), Хамза Рамани (Силекс), Алекс Златков (Шкупи), Димитар Тодоровски (Работнички), Димитар Трајков (Академија Пандев), Ване Крстевски (Академија Пандев), Берат Калкан (Касимпаша), Бехар Фета (Воска Спорт), Матеј Ангелов (Работнички);
Напад: Марио Илиевски (Кишварда, Унгарија), Христијан Малески (Струга Трим Лум), Луан Абази (Вил, Швајцарија).
Двете пријателски средби ќе се играат на тренинг центарот „Петар Милошевски" во Скопје со почеток од 17 часот. Првата е со селекцијата на Ерменија на 15 јуни, а пет дена подоцна е втората контролна пресметка против репрезентацијата на Малта. зс/