Камерон Дијаз: Душата ми е мирна откако го напуштив Холивуд
- „Лошата наставничка“, како што беше насловен последниот нејзин филмски хит, натаму вели дека сега е ослободена и од притисокот на јавноста.
![Камерон Дијаз: Душата ми е мирна откако го напуштив Холивуд](https://new.mia.mk/index.php/images/20221104164520_big_730x400_61.webp )
Лос Анџелес, 6 август 2020 (МИА) - Во разговор со Гвинет Палтроу што беше пренесуван во живо на Јутјуб, Камерон Дијаз рече оти „душата ѝ е мирна“ откако го напуштила Холивуд.
- Имам мир во душата, зашто конечно можам да се грижам за себе. Чудно е, знам. Многу луѓе нема да го разберат ова. Ама, знам дека ти разбираш, ѝ рече Дијаз на Палтроу, која освен водителка, е исто така и глумица.
„Лошата наставничка“, како што беше насловен последниот нејзин филмски хит, натаму вели дека сега е ослободена и од притисокот на јавноста.
- Koгa работиш на филм, тие те поседуваат. Постојано те следат... Немаш време за ништо друго, вели Дијаз.
Откако ја напушти филмската сцена, таа се омажи за Бенџамин Меден, а во јануари годинава тие ја добија и ќерката Радикс. Во меѓувреме, Дијаз лансираше и свој бренд вино. си/