Калипсо – мачето на грчката претседателка присутно на средбата Сакеларопулу - Мицотакис
- Од улиците на грчкиот островот Карпатос, мачето Калипсо веќе еден месец живее во претседателската палата, а денеска беше присутно и на средбата на претседателката Катерина Сакеларопулу со пре
![Калипсо – мачето на грчката претседателка присутно на средбата Сакеларопулу - Мицотакис](https://new.mia.mk/index.php/images/20221105143553_big_730x400_70.webp )
Атина, 21 декември 2020 (МИА) – Од улиците на грчкиот островот Карпатос, мачето Калипсо веќе еден месец живее во претседателската палата, а денеска беше присутно и на средбата на претседателката Катерина Сакеларопулу со премиерот на Грција Кирјакос Мицотакис, јави дописничката на МИА од Атина.
Сакеларопулу минатиот месец вдоми бездомно маче од Карпатос, кое не остана незабележано за време на денешната средба.
Додека Мицотакис говореше на почетокот од средбата, во позадина, на неколку пати Калипсо, мјаукајќи го пријави своето присуство.
А грчкиот премиер не остана рамнодушен и на неговиот официјален „Инстаграм“ профил сподели фотографија од мачето.
-Ова е Калипсо. Претседателката на државата ја вдоми и им ги украде срцата на сите во претседателската палата, напиша Мицотакис на неговиот официјален „Инстаграм“ профил, објавувајќи фотографија од мачето за време на неговата средба со Сакеларопулу. ср/
Фото: Кабинет на грчкиот премиер/ Димитрис Папамицос
![мачка сакеларопулу](/articles/images/kalipso-macheto-na-grchkata-pretsedatelka-prisutno-na-sredbata-sakelar/PxEpBOXvK/placeholder.webp?use_watermark=0)