Кавадарци домаќин на членови на Меѓународна полициска асоцијација
- Кавадарци денеска беше домаќин на членови на Меѓународна полициска асоцијација(ИПА), од повеќе македонски региони.
![Кавадарци домаќин на членови на Меѓународна полициска асоцијација](https://new.mia.mk/index.php/images/20230730183937_big_730x400_18.webp )
Кавадарци, 30 јули 2023 (МИА) - Кавадарци денеска беше домаќин на членови на Меѓународна полициска асоцијација(ИПА), од повеќе македонски региони. Претседателот на огранокот од Кавадарци, Климе Иваноски појасни дека настанот е организиран во знак на одбележување на денешниот меѓународен ден на пријателството, прогласен од Обединетите нации во 2011 година.
- Пред повеќе од седум децении, Меѓународната полициска асоцијација беше основана од Артур Труп и набрзо стана најголемата полициска организација во светот, инспирирана од основната вредност на пријателството. Тиквешкиот регион годинава беше домаќин, на повик од Социо - културната комисија, додаде Иваноски.
Тој нагласи дека присутните во Кавадарци, покрај што размениле искуства и се дружеле, пешачејќи и по рекреативната патека покрај реката Луда Мара, донирале и парични средства за манастирскиот комплекс во Ваташа. свд/вг/
Фото : ИПА