Италијански и француски аеродроми градат инфраструктура за летечки такси возила
- Инфраструктурата е наменета за верипорти, специјални типови на авиони кои полетуваат вертикално, а потоа ги пренасочуваат моторите и пропелерите во хоризонтална положба и летаат како авиони.
![Италијански и француски аеродроми градат инфраструктура за летечки такси возила](https://new.mia.mk/index.php/images/20221108211211_big_730x400_86.webp )
Рим, 26 октомври 2021 (МИА) - Аеродромите во Рим, Венеција и Болоња и на француската ривиера денеска соопштија дека основале компанија за изградба на инфраструктура за летечки такси што треба да овозможи подобри транспортни врски меѓу градовите и да го ублажат проблемот со сообраќајниот метеж.
Новата компанија Urban Blue ги спои италијанските аеродроми Аеропорти ди Рома од инфраструктурната групација Атланта, Аеропорто ди Венециа, Аеропорто ди Болоња и францускиот аеродром Аеропортос де ла Азур.
Според најавата, нивниот план е до 2024 година да започнат бизнис со летечки такси во Рим, Венеција и Ница. Во соопштението не се наведени финансиски детали поврзани со проектот.
Инфраструктурата е наменета за верипорти, специјални типови на авиони кои полетуваат вертикално, а потоа ги пренасочуваат моторите и пропелерите во хоризонтална положба и летаат како авиони.
Верипорти ќе функционира како електрични воздушни такси кои на клиентите ќе им понудат нов начин на патување, заобиколување на сообраќајниот метеж и полесен меѓуградски превоз. ссм/