Скопје, 4 декември 2024 (МИА) - Италијанскиот амбасадор Андреа Силвестри денеска му додели титула „Почесен витез од орденот ѕвезда на Италија“ на ректорот на Универзитет Американ колеџ, Марјан Бојаџиев, како признание за неговиот придонес за поттикнување на меѓукултурен дијалог и унапредување на образовните стандарди помеѓу Северна Македонија и Италија.

-Ректорот на Универзитет Американ Колеџ Скопје (УАКС), проф. Бојаџиев е успешен економист, едукатор и истражувач, во кариера која вклучува лидерски улоги во неколку македонски институции, влијателни истражувачки иницијативи и придонеси во меѓународни проекти, додека неговиот придонес на италијанскиот Универзитет „Тор Вергата“ во Рим, е пример за неговата посветеност за поттикнување на меѓукултурниот дијалог и унапредување на образовните стандарди меѓу двете земји, соопшти Американ колеџ.

Оттаму додаваат дека оваа титула од страна на италијанската Амбасада се доделува како признание за исклучителниот придонес на проф. Бојаџиев во образованието и науката, и ја признава неговата инструментална улога во зајакнувањето на врските помеѓу Македонија и Италија. нд/цр

Фото: УАКС