Неготино, 26 јули 2022 (МИА) - Високогорскиот планинарско спортски клуб ,,Неготино", денеска информираше дека се исчистени и маркирани неколку патеки на планината Серта.

-Имавме заедничка акција, активисти од нашиот клуб, заедно со општината Неготино, членови на здружението „Бела вода" од селото Калањево и спортско планинарското друштво „Серта". Реализиравме работна акција. Покрај маркирање, извршивме и кастрење, по правила на Федерацијата на планинарски спортови. Ги уредивме патеките на првиот дел, од црквата „Свети Илија" до црквата ,,Света Петка" на месноста „Бела вода", до Делчев врв. Искастривме, исчистиме и направивме нови маркации, затоа што многу од старите маркации беа уништени од несовесни поединци, соопшти Орданче Бошев, претседател на „Неготино".