Историската пивска компанија „Анкор бруинг“ се затвора по 127 години
- Производството е официјално запрено, но пиварницата ќе работи до крајот на месецот и ќе ги дистрибуира преостанатите залихи.
![Историската пивска компанија „Анкор бруинг“ се затвора по 127 години](https://new.mia.mk/index.php/images/20230713081500_big_730x400_60.webp )
Сан Франциско, 13 јули 2023 (МИА) - Историската компанија „Анкор бруинг“ (Anchor Brewing) во Сан Франциско, Калифорнија, САД, ќе се затвори и веќе нема да произведува пиво, објавија оттаму вчера. Со тоа се означува крајот на 127-годишното постоење на фирмата којашто ги надмина двете светски војни, големиот земјотрес во 1906 година, како и прохибицијата.
Пиварницата губеше околу 10 милиони долари годишно откако корона-кризата значително влијаеше на нејзината работа, според сегашната компанија-сопственик „Сапоро холдингс Лтд.“
Производството е официјално запрено, но пиварницата ќе работи до крајот на месецот и ќе ги дистрибуира преостанатите залихи.
„Анкор бруинг“ е основана 1896 година, кога Ернст Барут и Ото Шинкел Јуниор купиле сала за правеење пиво и за билијард, во Сан Франциско. Првичната локација изгорела во пожар по земјотресот од 1906 година, но погонот бил преместен и компанијата продолжила со работа. си/
Фото: Википедија.