Искршени светилки во новиот парк во Делчево
- Несовесни граѓани повторно искршиле дел од украсните светилки поставени на новиот парк изграден во вид на трибини во строгиот центар на Делчево. Случајот е регистриран од Општина Делчево од каде изразија згрозеност од ваквиот чин, напоменувајки дека се повторува неславната традиција на уништување јавни добра во градот.
![Искршени светилки во новиот парк во Делчево](https://new.mia.mk/index.php/images/20240403141613_big_730x400_68.webp )
Делчево, 3 април 2024 (МИА) - Несовесни граѓани повторно искршиле дел од украсните светилки поставени на новиот парк изграден во вид на трибини во строгиот центар на Делчево. Случајот е регистриран од Општина Делчево од каде изразија згрозеност од ваквиот чин, напоменувајки дека се повторува неславната традиција на уништување јавни добра во градот.
-Продолжува неславната традиција за уништување урбана опрема поставена на јавните површини. Општина Делчево изразува згрозеност од овој чин и апелира до граѓаните да се грижат за општинскиот имот, велат од Општина Делчево.
Општина Делчево по службен пат достави пријава до надлежните институции кои водат истрага за разрешување на случајот.
-Крадењето или уништувањето на урбаната опрема значи уништување на јавни добра купени со буџетски средства. Затоа уште еднаш апелираме на совесност кај граѓаните, додадоа од Општината.
Вандалскиот чин го осуди и градоначалникот на Делчево, Горан Трајковски кој очекува сторителите да бидат откриени и соодветно казнети. вс/дма/
Фото: МИА