Ирска ја казни компанијата Мета поради кршење на правилата за приватност
- Ирскиот регулатор за заштита на приватност ја казни компанијата Мета со 390 милиони евра поради кршење на правилата за приватност на Фејсбук и Инстаграм, наложувајќи им на двете компании да ј
![Ирска ја казни компанијата Мета поради кршење на правилата за приватност](https://new.mia.mk/index.php/images/20230104200128_big_730x400_39.webp )
Даблин, 4 јануари 2023 (МИА) – Ирскиот регулатор за заштита на приватност ја казни компанијата Мета со 390 милиони евра поради кршење на правилата за приватност на Фејсбук и Инстаграм, наложувајќи им на двете компании да ја разгледаат правната основа на рекламните услуги врз основа на лични податоци во Европска Унија.
Одлуката за начините на кои двете компании за социјално вмрежување функционираат со нивната рекламна услуга беше донесена во декември од страна на Европското тело за заштита на приватноста.
Тоа се однесува на промената на условите за користење на Фејсбук и на Инстаграм во 2018 година, откако беа воведени новите европски правила за приватност. Мета потоа се обиде да се потпре на така наречената „договорна“ правна основа за повеќето операции за обработка на податоци.
Регулаторот го казни онлајн гигантот со 210 милиони евра за кршење на строгите правила на ЕУ за заштита на податоците поврзани со социјалната мрежа Фејсбук и уште 180 милиони евра за прекршување на платформата Инстаграм.
Од 2021 година, на Мета и се изречени четири други казни во вкупна вредност од 900 милиони евра. Вкупно се изречени казни од 1,3 милијарди евра, а се чекаат уште 11 проверки. ми/