Иран: Повторно воспоставен авиосообраќајот во земјата
- Летовите во Иран, кои утринава беа суспендирани над неколку градови и провинции, се повторно воспоставени, јавува иранската новинска агенција ИРНА.
![Иран: Повторно воспоставен авиосообраќајот во земјата](https://new.mia.mk/index.php/images/20240419085130_big_730x400_20.webp )
Техеран, 19 април 2024 (МИА) - Летовите во Иран, кои утринава беа суспендирани над неколку градови и провинции, се повторно воспоставени, јавува иранската новинска агенција ИРНА.
Специјализираниот портал Flight Radar 24, пак, наведува дека аеродромите во Техеран, Шираз и Исфахан се сè уште затворени, додека воздушниот сообраќај е воспоставен на западот на земјата.
Авиокомпаниите од Обединетите Арапски Емирати (ОАЕ) ги суспендираа летовите за Иран до понатамошно известување. ссм/
фото: принтскрин