ИОМ: Границата меѓу САД и Мексико најопасна копнена миграциска рута во светот
- Границата САД - Мексико беше „најопасната копнена миграциска рута во светот“ во 2022 година, со 686 мртви или исчезнати, се вели во извештајот објавен денеска од Меѓународната организација за миграција (ИОМ).
![ИОМ: Границата меѓу САД и Мексико најопасна копнена миграциска рута во светот](https://new.mia.mk/index.php/images/20230912164948_big_730x400_60.webp )
Женева, 12 септември 2023 (МИА) - Границата САД - Мексико беше „најопасната копнена миграциска рута во светот“ во 2022 година, со 686 мртви или исчезнати, се вели во извештајот објавен денеска од Меѓународната организација за миграција (ИОМ).
„Таа бројка претставува речиси половина од 1.457 загинати и исчезнати мигранти“ забележани во Америка за 2022 година, „најсмртоносната година“ од почетокот на проектот на ИОМ за исчезнати мигранти во 2014 година.
Во 2022 година имало 668 смртни случаи мигранти (100 жени, 454 мажи, 31 малолетни и 83 од непознат пол и возраст) на границата меѓу САД и Мексико, се вели во годишниот извештај, додавајќи дека се стравува дека бројот може да биде поголем поради недостиг на официјални податоци од Тексас и мексиканската агенција за пребарување и спасување.
Водечките причини за смрт долж големата граница меѓу САД и Мексико се давење (212), сообраќајни несреќи или смртни случаи поради небезбеден транспорт (71), екстремни временски услови и недостиг на засолниште, храна и вода (156). паг/
Фото: МИА архива