Интервенции на ЈП Улици и патишта по невремето во Скопје
- ЈП Улици и патишта Скопје соопшти дека нивни екипи интервенираат на улиците кои се поплавени од денешните обилни врнежи од дожд.
![Интервенции на ЈП Улици и патишта по невремето во Скопје](https://new.mia.mk/index.php/images/20221113210609_big_730x400_19.webp )
Скопје, 30 август 2022 (МИА) - ЈП Улици и патишта Скопје соопшти дека нивни екипи интервенираат на улиците кои се поплавени од денешните обилни врнежи од дожд.
Од претпријатието информираат дека денеска 20-тина крстосници се целосно исклучени или на трепкаво светло и во координација со полиција се регулира сообраќајот.
Со ангажираност на сите работници и механизација се вршат активности на улиците во сите општини, се исправуваат латерни на семафорите, се санираат дефектите на сите семафори, се санираат оштетените заштитни столбови и екипи во координација со Градот и другите јавни претпријатија вршат активности за отстранување на паднати дрвја, како и за расчистување на шахтите и сливниците, посочуваат од претпријатието и додаваат дека нивни екипи продолжуваат со потребните интервенции во текот на целата ноќ со цел да се санираат сите оштетувања на собраќајниците како последица од невремето. рп/са/
![Екипи на Улици и патишта1](/articles/images/%d0%b8%d0%bd%d1%82%d0%b5%d1%80%d0%b2%d0%b5%d0%bd%d1%86%d0%b8%d0%b8-%d0/Zbs6cpmgB/placeholder.webp?use_watermark=0)