Индија подготвува кандидатура за домаќин на Олимписките игри во 2036
- Индиските власти формираа стручен тим со задача да собира информации за спецификите на организацијата на големите спортски настани и да ја подготви Индија за можно домаќинство на Летните олимписки и параолимписки игри во 2036 година, изјави денеска премиерот Нарендра Моди во интервју за телевизискиот канал News18.
![Индија подготвува кандидатура за домаќин на Олимписките игри во 2036](https://new.mia.mk/index.php/images/20240525133425_big_730x400_75.webp )
Њу Делхи, 25 мај 2024 (МИА) – Индиските власти формираа стручен тим со задача да собира информации за спецификите на организацијата на големите спортски настани и да ја подготви Индија за можно домаќинство на Летните олимписки и параолимписки игри во 2036 година, изјави денеска премиерот Нарендра Моди во интервју за телевизискиот канал News18.
Според индискиот премиер, работната група ќе ги посети Летните младински олимписки игри во Сенегал во 2026 година, како и шаховската олимпијада, Светските игри на плажа и други настани.
„Формирав тим и им кажав да одат како набљудувачи на сите овие настани и да ги проучат деталите. Треба да ги развиеме човечките ресурси, да подготвиме инфраструктура, да разбереме што е потребно за организирање на голем спортски настан“, рече индискиот премиер.
Моди во октомври лани ги објави плановите неговата земја да се кандидира за домаќин на Олимпијадата 2036, истакнувајќи оти Индија ќе вложи максимални напори да ја добие организацијата на најголемиот спортски настан во светски рамки.
Мексико, Индонезија и Полска исто така се меѓу кандидатите за домаќини на Олимпијадата во 2036 година. ег ФОТО: Фејсбук