Икс воведува аудио и видеоповици
- Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“.
![Икс воведува аудио и видеоповици](https://new.mia.mk/index.php/images/20231026115230_big_730x400_29.webp )
Лос Анџелес, 25 октомври 2023 (МИА) - Социјалната мрежа Икс почна да ја воведува услугата за аудио и видеоповици. Опциите може да се најдат во делот „Поставки“ за „Директни пораки“, а новите функции може и да се исклучат.
Оваа новина во август ја најави извршната директорка Линда Јакарино, истакнувајќи дека ова е само чекор во еволуцијата на платфрмата кон тоа да стане „апликација за секого“, исто како што напомна и сопственикот Илон Маск.
Корисниците ќе имаат можност да изберат опција за одобрување повици само од одредени корисници, по избор. си/паг/
Фото: Икс