Израелските сили убиле две палестински деца во Џенин
- Палестинската агенција Вафа, повикувајќи се на безбедносни и локални извори, јави дека ИДФ со закана со оружје ги принудила жителите на населбата Дамџ, во кампот Џенин, да ги напуштат своите домови по масовното уништување на куќи и улици во соседството, а притоа бомбардирале и една куќа со дрон.
![Израелските сили убиле две палестински деца во Џенин](https://new.mia.mk/index.php/images/20231129145600_big_730x400_30.webp )
Џенин, 29 ноември 2023 (МИА) - Израелските одбранбени сили (ИДФ) денеска убија две палестински деца во напад врз камп во градот Џенин.
Палестинската агенција Вафа, повикувајќи се на безбедносни и локални извори, јави дека ИДФ со закана со оружје ги принудила жителите на населбата Дамџ, во кампот Џенин, да ги напуштат своите домови по масовното уништување на куќи и улици во соседството, а притоа бомбардирале и една куќа со дрон.
Агенцијата додаде дека ИДФ ја продолжила својата „агресија врз кампот Џенин, каде што почнале масовна кампања на апсења и евакуирале граѓани од нивните домови во населбата Дамџ во екот на насилни судири“.
ИДФ потоа употребила булдожери за да ја уништи придружната инфраструктура, водоводната, електричната и канализационата мрежа и оштетила неколку возила во кампот. Додава палестинската агенција. сд/
фото:МИА архива