Израелската армија уби Палестинец на Западниот Брег
- Израелски војници денеска убија Палестинец на окупираниот Западен Брег, соопштија палестинските здравствени власти.
![Израелската армија уби Палестинец на Западниот Брег](https://new.mia.mk/index.php/images/20230615090453_big_730x400_69.webp )
Ерусалим, 15 јуни 2023 (МИА) - Израелски војници денеска убија Палестинец на окупираниот Западен Брег, соопштија палестинските здравствени власти.
Како што е наведено, 20-годишниот Калил Јахја Анис бил застрелан во главата во градот Наблус, честа сцена на конфликт меѓу израелската армија и Палестинците.
Израелската армија соопшти дека била под оган за време на воена операција во тој град и дека одговорила.
Војниците го демолирале домот на Палестинец одговорен за нападот на израелски војник минатата година. паг/
Фото: МИА архива