Тел Авив, 13 ноември 2024 (МИА) - Израелската армија планира повторно да издаде регрутација за мажи од ултраортодоксната заедница оваа недела. Неколку израелски изданија денеска објавија дека околу 7.000 членови на високо верската заедница ќе добијат повици, јави ДПА.

Поранешниот министер за одбрана, Јоав Галант го одобрил испраќањето на повиците пред неговото разрешување, објави Тајмс оф Израел.

Војската соопшти дека имаат намера да ги испратат известувањата според планираното. Израел Кац, новиот министер за одбрана, не ја укина мерката.

Според извештаите на медиумите, околу 3.000 ултраортодоксни мажи веќе добиле огласи за воен рок во текот на летото. Сепак, се вели дека само мал број од нив потоа се пријавиле во воените центри.

Со децении, израелската ултраортодоксна заедница беше ослободена од задолжителна воена служба. Сепак, ослободувањето истече пред неколку месеци. мс/

фото: МИА архива