Изложба „Цртеж – Експериментален цртеж“ во галерија „КО-РА“
- Друштвото на ликовни уметници на Македонија (ДЛУМ) под покровителство на Министерството за култура денеска ќе ја отвори изложбата „Цртеж – Експериментален цртеж“ во Домот на културата „Кочо
![Изложба „Цртеж – Експериментален цртеж“ во галерија „КО-РА“](https://new.mia.mk/index.php/images/20221113143155_big_730x400_8.webp )
Скопје, 27 мај 2022 (МИА) - Друштвото на ликовни уметници на Македонија (ДЛУМ) под покровителство на Министерството за култура денеска ќе ја отвори изложбата „Цртеж – Експериментален цртеж“ во Домот на културата „Кочо Рацин“ - галерија „КО-РА“ во Скопје.
Изложбата е традиционална и е дел од годишната програма на ДЛУМ.
Како што посочија од ДЛУМ, во повеќето дела претставени на оваа изложба се негува цртежот со едноставните алатки и материјали, јаглен, туш, молив, фломастер, но користени се и алтернативни материјали кои формираат цртеж и излегуваат во просторот на трета димензија, рефлектирајќи цртеж.
Во ова издание на програмската изложба ,,Цртеж, Експериментален цртеж” учествуваат 13 уметници - Жаклина Глигориевска кочоска, Марија Светиева, Ангелца Стоиљковиќ, Ацо Таневски, Златко Глигоров, Јасмина Новковска, Перо Кованцалиев, Валентина Илијевска, Стефан Младеновски, Зулејха Зубери Али, Маја Танева, Ненад Тонкин и Слободан Живковски.
Наградата за најдобар цртеж оваа година ДЛУМ ја доделува на Жаклина Глигориевска Кочоска за делото со наслов „Inevitable restart“ .
Сите љубители на уметноста изложбата ќе може да ја разгледаат до 10 јуни.бт/са/
![Жаклина Глигориевска](/articles/images/%d0%b8%d0%b7%d0%bb%d0%be%d0%b6%d0%b1%d0%b0-%d1%86%d1%80%d1%82%d0%b5%d0/eab1IZ8hl/placeholder.webp?use_watermark=0)