Издвоени 3,5 милиони денари за помош на социјално загрозени граѓани во Општина Гевгелија
- За реализација на годинашнава програма за помош на граѓаните од социјално ранливите категории, советниците на општина Гевгелија одлучија од буџетот да бидат издвоени 3,5 милиони денари.
![Издвоени 3,5 милиони денари за помош на социјално загрозени граѓани во Општина Гевгелија](https://new.mia.mk/index.php/images/20221112051156_big_730x400_71.webp )
Гевгелија, 15 февруари 2022 (МИА) - За реализација на годинашнава програма за помош на граѓаните од социјално ранливите категории, советниците на општина Гевгелија одлучија од буџетот да бидат издвоени 3,5 милиони денари.
Сите мерки и активности за помош на социјално загрозените граѓани ќе продолжат континуирано да се применуваат и реализираат во поглед на исплаќање еднократна помош за новородено дете, партиципација за трошоци за згрижување и воспитување на децата од предучилишна возраст, за доделување огревно дрво, субвенционирање на сметки за потрошена вода за пиење, како и обезбедување превоз за лицата со попреченост од местото на живеење до Дневниот центар во Гевгелија.
Од општината посочија дека покрај ова ќе продолжи доделувањето на социјални пакети и изградбата на пристапни рампи за инвалидизираните лица до јавните општински установи.
Општинските советници донесоа одлука од годинава да се воведат и две нови социјални мерки од кои едната за доделување додаток за домување на жители од општина Гевгелија и другата за едукација и третирање на проблеми за децата кои имаат тешкотии во вербалната комуникација. им/вј/