Изгаснат пожарот под Скопско кале, изгореа пет автомобили
- Изгаснат е пожарот што избувна попладне под Скопско кале, на поранешниот полигон за полагање возачки испити, а во кој беа зафатени пет патнички автомобили.
![Изгаснат пожарот под Скопско кале, изгореа пет автомобили](https://new.mia.mk/index.php/images/20240406153847_big_730x400_49.webp )
Скопје, 6 април 2024 (МИА) - Изгаснат е пожарот што избувна попладне под Скопско кале, на поранешниот полигон за полагање возачки испити, а во кој беа зафатени пет патнички автомобили.
Пожарникарите работат на расчистување на теренот, а присутни се полициски екипи за утврдување на причините.
Ѕвонко Томевски, командир на Бригадата за противпожарна заштита на град Скопје, за МИА изјави дека интервенцијата на пожарникарите спречила ширење на пожарот и оти причинета е само материјална штета.
-Во гаснењето на пожарот беа вклучени четири противпожарни возила и 13 пожарникари, информира Томевски. ра/лв/
фото:МИА