Изгаснат пожарот во атарот на село Вртиславци во делчевско-каменичкиот регион
- Изгаснат е пожарот кој денеска избувна во атарот на село Вртиславци во делчевско-каменичкиот регион. Во пожарот на површина од три хектари опожарена е борова дрвна маса, но и дабова шума.
![Изгаснат пожарот во атарот на село Вртиславци во делчевско-каменичкиот регион](https://new.mia.mk/index.php/images/20230908153728_big_730x400_27.webp )
Делчево, 8 септември 2023 (МИА) - Изгаснат е пожарот кој денеска избувна во атарот на село Вртиславци во делчевско-каменичкиот регион. Во пожарот на површина од три хектари опожарена е борова дрвна маса, но и дабова шума.
Во акцијата за гаснење на пожарот учествувале екипи на ТППЕ од Македонска Каменица и Делчево, вработени во шумско стопанство и мештани.
-Точната локација на пожарот е местото Калуѓерица, тоа е во делчевскиот атар. Ние први добивме повик, по што се упативме на терен, а потоа дојдоа и колегите од Делчево. Исто така во гаснењето учествуваа и вработени во шумско стопанство и мештани, информираше Малин Трајчевски, командир на ТППЕ Македонска Каменица.
Во моментот пожарот е изгаснат, но дежурни екипи ќе останат на терен, со цел да не дојде до повторно избувнување. вс/дма/
Фото: МИА