Њу Делхи, 28 ноември 2023 (МИА) - Спасувачките екипи веќе пристигнаа до 41 работник, кои од 12 ноември се заробени во сообраќајниот тунел што се урна на северот од Индија и спасувачката акција е веќе во тек.

-Се очекува работниците да бидат извлечени еден по еден на носилки низ цевката, наведуваат официјалните лица, додавајќи дека челичната цевка е доволно широка за да им овозможи на луѓето да се провлечат низ неа.

Би-Би-Си јави дека првите 15 работници веќе се извлечени од тунелот по 17 дена минати внатре со своите колеги.

-Спасувачката операција треба да заврши наскоро, соопштија претходно денеска властите на индиската сојузна држава Утараканд.

Сите работници се живи и преку цевководот се снабдуваат со вода и сува храна, комуницираат преку воки-токи, а нивните вознемирени семејства деноноќно ги чекаат пред самиот тунел.

Тунелот во изградба, долг 4,5 километри, што се наоѓа на фреквентен пат што поврзува популарни верски и туристички дестинации, се урна на 12 ноември. сд/

фото:Х

#UttarakhandTunnel | Ambulances leave from the #Silkyara tunnel site as nine workers among the 41 workers trapped inside the #SilkyaraTunnel in #Uttarakhand since November 12 have been successfully rescued.#cliQIndia #UttarakhandTunnel #SilkyaraTunnelRescue… pic.twitter.com/rjEoKbNzVE

— cliQ India (@cliQIndiaMedia) November 28, 2023