Тел Авив, 17 март 2026 (МИА) – Израел се обиде да го убие влијателниот ирански функционер Али Лариџани, јавија денеска локалните медиуми, пренесе ДПА.

Генералниот секретар на Врховниот совет за национална безбедност на Иран беше цел на воздушен напад во текот на ноќта, објавија денеска повеќе израелски медиуми.

Во извештаите се цитираат неименувани израелски претставници кои велат дека останува нејасно дали Лариџани е убиен или повреден во нападот.

Израел во тековната војна веќе уби десетици водечки фигури од иранските власти. Иранскиот врховен водач, ајатолахот Али Хамнеи, беше убиен во израелски воздушен напад во главниот град Техеран на 28 февруари. јт/сд/

Фото: ДПА