Златни медали за „Tikveš Châteaux & Domaines“ од реномираниот француски магазин „Terre de vins“
- СООПШТЕНИЕ: Две вина на „Tikveš Châteaux & Domaines“ освоија златни медали на натпреварот што го организира реномираниот француски магазин „Terre de vins“ (Земја на виното). Во конкуренција од речиси 2.000 вина, претежно од Франција, искусните оценувачи, меѓу кои сомелиери, вински трговци, енолози, увозници и сл., им доделија златен медал на белото вино „Fontaine du Sud 2023“ и на розе виното „Mistral au Jardin 2023“.
![Златни медали за „Tikveš Châteaux & Domaines“ од реномираниот француски магазин „Terre de vins“](https://new.mia.mk/index.php/images/20240523120407_big_730x400_84.webp )
Скопје, 23 мај 2024
Две вина на „Tikveš Châteaux & Domaines“ освоија златни медали на натпреварот што го организира реномираниот француски магазин „Terre de vins“ (Земја на виното). Во конкуренција од речиси 2.000 вина, претежно од Франција, искусните оценувачи, меѓу кои сомелиери, вински трговци, енолози, увозници и сл., им доделија златен медал на белото вино „Fontaine du Sud 2023“ и на розе виното „Mistral au Jardin 2023“.
Овие две вина се произведени во француската винарница „Château de Gourdon“, која е дел од „Tikveš Châteaux & Domaines“. „Château de Gourdon“ е сместенa во долината на реката Рона, кој е еден од најпознатите вински региони во Франција.
„Terre de vins“ е водечки магазин во Франција во областа на виното, винскиот туризам и уметноста на живеењето. Тој е наменет за вински професионалци, но и за љубителите на виното и претставува своевиден водич за винската индустрија. Мисијата на магазинот е да обезбеди врска меѓу производителите на вино и потрошувачите, при што наградите доделени на натпреварот што го организира списанието претставуваат препорака и значаен фактор за позиционирање на виното на францускиот пазар.
Наградените вина се резултат на експертизата и работата на енолошките тимови на „Тиквеш“ и „Château de Gourdon“, кои целосно го контролираат нивното создавање и кои овозможија вината произведени во француската винарница да станат носители на високи награди на влијателни вински натпревари.
Врвниот квалитет на овие вина во повеќе наврати беше потврден на престижните натпреварувања како: „Mundus Vini Summer Tasting“, „Decanter World Wine Awards“, „China Wine & Spirits“, „Concours Mondial de Bruxelles“ и други.
„Tikveš Châteaux&Domaines“ е една од најнаградуваните винарници, која на годишно ниво освојува над 100 награди и признанија на значајни меѓународни вински натпревари.
Винарска визба „Тиквеш“ - Кавадарци
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
фото: Винарска визба „Тиквеш“ - Кавадарци